ព័ត៌មានវិទ្យា របាយកាណ៍ទូទៅ

រថយន្ត​ថ្មី​ប្រភេទ​SUV​ដែលមាន​តម្លៃ​ក្រោម​៤​ម៉ឺន​ដុល្លារនាពេលបច្ចុប្បន្ន​

ភ្នំពេញ​៖​ការទិញ​រថយន្ត​អាចជា​បទពិសោធន៍​ជីវិត​មួយ​ដែល​គួរឱ្យ​ធុញទ្រាន់​បំផុត​។​ប៉ុន្តែ​វា​ក៏បានផ្តល់​ជា​រង្វាន់​យ៉ាង​ពិសេស​ដល់​ជិវិត​លោកអ្នក​ដែរ​។​បទពិសោធន៍​នៃ​ការទិញ​រថយន្ត​របស់​អ្នក​គឺ​ពឹង​ផ្អែកលើ​អ្វីដែល​អ្នក​ធ្លាប់បាន​ប្រើប្រាស់​រថយន្ត​ពីមុនមក​មុនពេល​អ្នក​ទៅកាន់​បន្ទប់​តាំង​បង្ហាញ​រថយន្ត​ថ្មី​។​ ​ សម្រាប់​មនុស្ស​ភាគច្រើន​ការទិញ​រថយន្ត​គឺ​ពិតជា​មាន​ក្តី​ព្រួយបារម្ភ​ណាស់​ជាពិសេស​នៅពេល​និយាយ​អំពី​ម៉ូ​ឌែ​ល​ដែល​នឹងត្រូវ​ចំណាយ​ប្រាក់​ច្រើន​។​ប៉ុន្តែ​មាន​ម៉ូ​ឌែ​ល​ខ្លះ​នៅក្នុង​ទីផ្សារ​ដែល​ផ្តល់ឱ្យ​យើង​នូវ​អ្វីដែល​យើង​ចង់បាន​ដោយ​ចំណាយ​សមរម្យ​សាក​សមជា​មួយ​ថវិកា​ដែល​យើង​កំពុងមាន​នៅក្នុង​ហោប៉ៅ​។​ម៉ូ​ឌែ​ល​ទាំងនោះ​គឺមាន​រូបរាង​ដ៏​ទាក់ទាញ​ជាមួយនឹង​ផ្នែក​ខាងក្នុង​យ៉ាង​ប្រ​ណឺ​ត​ហើយ​ផ្តល់ជូន​នូវ​កម្លាំង​ម៉ាស៊ីន​ខ្លាំង​ដែល​អាចអោយ​លោកអ្នក​បើកបរ​បាន​យ៉ាង​ងាយស្រួល​និង​មាន​ផាសុកភាព​។ ​ក្នុងករណី​មួយចំនួន​រថយន្ត​ខ្លះ​យើង​ពិនិត្យឃើញថា​គឺមាន​លក្ខណៈវិនិច្ឆ័យ​យ៉ាង​ពិសេស​មួយ​ទោះបីជា​រថយន្ត​ទាំងនោះ​មាន​កត្តា​រួមមួយ​ក្នុងចំណោម​ពួកគេ​ក៏ដោយ​។​ប្រសិនបើ​អ្នក​កំពុង​ស្វែងរក​ទិញ​រថយន្ត​ទំនើប​ប៉ុន្តែ​អ្នក​មិន​ចង់​ចំណាយ​ប្រាក់​ច្រើន​ទៅលើ​វា​ទេ​កម្រិត​នៃ​ម៉ូ​ឌែ​ល​ដ៏​ប្រណីត​គឺជា​មធ្យោបាយ​យ៉ាង​ល្អ​ក្នុង​ផ្នែក​នេះ​។ ជំនាន់​ថ្មី​នៃ​រថយន្ត​ប្រភេទ​SUV​នៅលើ​ទីផ្សារ​បច្ចុប្បន្ន​គឺ​បានកំណត់​នូវ​តម្លៃ​យ៉ាង​សមរម្យ​ដែល​លោកអ្នក​អាច​ទទួលបាន​នូវ​មុខងារ​ប្រើប្រាស់​ដែលមាន​លក្ខណៈពិសេស​និង​គ្រឿង​បំពាក់​បន្ថែម​ដែល​ធ្លាប់​តែមាន​សម្រាប់​ម៉ូ​ឌែ​ល​ដែលមាន​តម្លៃ​ថ្លៃ​ប៉ុណ្ណោះ​។​ ​ខាងក្រោម​នេះ​ជាតា​រាង​តម្លៃ​នៃ​រថយន្ត​ថ្មី​ប្រភេទ​Crossover​និង​រថយន្ត​ប្រភេទ​SUV​ដែល​គួរឱ្យ​ទាក់ទាញ​បំផុត​នៅ​ប្រទេស​កម្ពុជា​ដែល​លោកអ្នក​អាច​ទិញ​រកបាន​ក្នុងតម្លៃ​ក្រោម​4​ម៉ឺន​ដុល្លារ​និង​លើស​៤​ម៉ឺន​បន្តិច​ន្តួ​ច​,​នេះ​បើ​យោងតាម​ទំព័រ​ហ្វេ​ស​ប៊ុ​ករ​បស់​ក្រុមហ៊ុន​ចែកចាយ​រថយន្ត​ថ្មី​។​ Make​ ​Model​ ​Price​ ​Model Year Mazda​ ​CX5​ ​$62,500​ ​2020 Hyundai​ ​Tucson​ ​$47,500​ ​2020 MG ​RX5​ ​$38,000​ ​2020 Toyota ​Rush​ ​$35,500​ ​2020 Mitsubishi​ ​Xpander​ ​$33,500​ ​2020 ​កាន់តែ​ប្រសើរ​ជាងនេះទៀត​លោកអ្នក​នឹង​ទទួលបាន​បរិមាណ​គុណ​ភាព​គួរឱ្យភ្ញាក់ផ្អើល​ហើយ​ភាគច្រើន​នៃ​យានយន្ត​ទាំងនេះ​គឺ​បាន​បំពាក់​នូវ​បច្ចេកវិទ្យា​ចុងក្រោយ​និង​អស្ចារ្យ​បំផុត​ដែល​ផ្តល់ជូន​ដោយ​ផ្នែក​ឧស្សាហកម្ម​យានយន្ត​ផងដែរ​។​រថយន្ត​ថ្មី​គឺមាន​តម្លៃ​សមរម្យ​គុណ​ភាពល្អ​មានការ​ធានា​ត្រឹមត្រូវ​ពី​ក្រុមហ៊ុន​មិនមាន​ការជួសជុល​ឬ​ប្តូរ​គ្រឿងបន្លាស់​មុនពេល​ប្រើប្រាស់​មាន​ភាពងាយស្រួល​ក្នុងការ​បើកបរ​ផ្តល់ជូន​លោកអ្នក​នូវ​ផាសុកភាព​និង​សុខ​សុវត្ថិភាព​បើ​ប្រៀប​ជាមួយ​រថយន្ត​មួយ​ទឹក​ដែល​យើង​មិនបាន​ដឹងថា​ប្រ​វត្ថិ​នៃ​រថយន្ត​នោះ​យ៉ាងណា​។​ ​ជា​ចុងបញ្ចប់​សម្រាប់​តារាង​តម្លៃ​នៃ​រថយន្ត​ប្រភេទ​Crossovers​និង​រថយន្ត​ប្រភេទ​SUV​មួយចំនួន​ខាងលើនេះ​លោកអ្នក​អាចធ្វើ​ការជ្រើសរើស​បាន​យ៉ាង​ងាយស្រួល​។​សូម​រីករាយ​ជាមួយ​ការផ្តល់ជូន​នូវ​ប្រណីតភាព​និង​ចំណុច​ពិសេស​ពី​រថយន្ត​ដែល​ល្អ​ហើយ​លក់ដាច់​បំផុត​នៅលើ​ទីផ្សារ​។​យើងខ្ញុំ​ស​ង្ឍឹ​ម​ថា​លោក​អ្នកនឹង​ជ្រើសរើស​នូវ​រថយន្ត​ដែល​សាក​សមជា​មួយ​អ្នក​ព្រមទាំង​ផ្តល់​អត្ថ​ប្រ​យោ​ជ​ន៏​យ៉ាងច្រើន​ផងដែរ​៕

ព័ត៌មានវិទ្យា

ការវិនិយោគវិស័យសំណង់មានទំហំទឹកប្រាក់ជិត៤ពាន់លានដុល្លារ កើនជាង១៣% ក្នុងឆមាសទី១ឆ្នាំនេះ

ភ្នំពេញ ៖ តាមរបាយការណ៍ប្រចាំឆមាសទី១ នៃឆ្នាំ២០២០ របស់ក្រសួងរៀបចំដែនដី នគរូបនីយកម្ម និងសំណង់បានបង្ហាញថា ក្នុងរយៈពេល៦ខែ ឆ្នាំ២០២០នេះ ការវិនិយោគវិស័យសំណង់ មានទំហំទឹកប្រាក់ជិត៤ពាន់លានដុល្លារអាមេរិក កើនជាង១៣ភាគរយ បើធៀបនឹងរយៈពេលដូចគ្នា នៅឆ្នាំ២០១៩។ ក្នុងនោះ ចំនួនគម្រោងដែលត្រូវបានអនុញ្ញាតឲ្យសាងសង់ សរុបមានចំនួនជាង ២,៥០០គម្រោង។ របាយការណ៍ បានបញ្ជាក់យ៉ាងដូច្នេះថា រយៈពេល៦ខែមកនេះ សំណង់នៅទូទាំងប្រទេស ដែលត្រូវបានអនុញ្ញាតឲ្យសាងសង់មានចំនួន ២,៥២២ គម្រោង មានផ្ទៃក្រឡាកម្រាលសំណង់សរុបចំនួន ជាង៨.៦លានម៉ែត្រការ៉េ ដែលមានតម្លៃប៉ាន់ស្មាន ទុនវិនិយោគប្រមាណជាង៣.៨ពាន់លានដុល្លារអាមេរិក។ បើធៀបនឹងឆមាសទី១ ឆ្នាំ២០១៩ មានចំនួន ២,០៤៧ គម្រោង មានផ្ទៃក្រឡាកម្រាលសំណង់សរុប ជាង៣៧លានម៉ែត្រការ៉េ ដែលមានតម្លៃប៉ាន់ស្មានទុនវិនិយោគជិត ៣.៤ពាន់លានដុល្លារអាមេរិក ពោលគឺកើនឡើង១៣.២៦%។ របាយការណ៍បានបញ្ជាក់ទៀតថា ចំពោះសំណង់លំនៅដ្ឋានសរុបមានចំនួន ២,០៩៧ គម្រោង មានផ្ទៃក្រឡាកម្រាលសំណង់សរុប ចំនួនជាង ៤.៥លានម៉ែត្រការ៉េ មានទុនវិនិយោគសរុបប្រមាណជិត១.៨ពាន់លានដុល្លារអាមេរិក។ ក្នុងនោះ សំណង់បុរីលំនៅដ្ឋាន និងបណ្ដុំលំនៅដ្ឋានលក្ខណៈបុរី នៅទូទាំងប្រទេស គឺមាន៣៦គម្រោង ស្មើនឹងចំនួនផ្ទះ ៦,៥៦២ខ្នង មានផ្ទៃក្រឡាកម្រាលសំណង់សរុបជាង១.៨លានម៉ែត្រការ៉េ ដែលមានតម្លៃវិនិយោគប្រមាណជិត៦៥០លានដុល្លារអាមេរិក។ […]

ព័ត៌មានវិទ្យា

ល្បែងសង្វៀនបញ្ជល់របស់ឈ្មោះ” ហាន” កើតឡើង​យ៉ាង​ពេញបន្ទុក​នៅក្នុងទឹកដីខេត្ត​ត្បូងឃ្មុំ

ត្បូងឃ្មុំ ៖ យោងតាមច្បាប់ស្តីពីការបង្ក្រាបល្បែងស៊ីសង​ ដែលរដ្ឋសភា​បានអនុម័ត នាសម័យប្រជុំលើកទី៤ ​នីតិកាលទី១ ជំពូកទី១ មាត្រា១-ត្រូវហាមឃាត់ជាដាច់ខាត​ការលេងល្បែង​ស៊ីសងគ្រប់ប្រភេទ នៅគ្រប់ទីកន្លែង​ទូទាំងព្រះរាជាណាចក្រកម្ពុជា និងជំពូក៣ មាត្រា១១-ជនណាដែលចេញមុខការពារវង់ល្បែងស៊ីសង ឬបនល្បែងស៊ីសងគ្រប់ប្រ​ភេទ នៅទីណាក៏ដោយ ត្រូវផ្តន្ទាទោសដាក់គុកពីមួយឆ្នាំដល់ប្រាំឆ្នាំ៕ ប្រភពពី​ប្រជាពលរដ្ឋនៅក្នុង​ស្រុក​ត្បូងឃ្មុំ ក៏ដូចជា​ស្រុក​មេមត់ និង​ស្រុក​ពញាក្រែក ខេត្ត​ត្បូងឃ្មុំ បាន​បង្ហើបឲ្យ​ដឹងថា បច្ចុប្បន្ន​នេះក្នុង​មូលដ្ឋាន​ពួកគាត់​មាន​ល្បែងស៊ីសង​ខុសច្បាប់​កើតឡើង​យ៉ាង​ពេញបន្ទុក ហើយ​លោក​ឧ​ត្ត​ម​សេនីយ៍​ទោ បែន រ័ត្ន ស្នងការ​នគរបាល​ខេត្ត​ត្បូងឃ្មុំ និង​លោក ជាម ច័ន្ទ​សោភ័ណ អភិបាលខេត្ត​ត្បូងឃ្មុំ មិន​មានវិធានការ​បង្ក្រាប​ល្បែងស៊ីសង​ដើម្បី​ពង្រឹង​សន្តិសុខ​សង្គម​នោះទេ​។ បើតាម​ការ​បង្ហើប​ពី​សំណាក់​មន្ត្រីនគរបាល​នៅក្នុង​ស្នងការដ្ឋាន​នគរបាល​ខេត្ត​ត្បូងឃ្មុំ មួយចំនួន​បាន​ឲ្យ​ដឹងថា ល្បែងស៊ីសង​ខុសច្បាប់​គឺជា​ប្រភព​ចំណូល​ដ៏​សំខាន់​របស់លោក បែន រ័ត្ន ស្នងការ​នគរបាល​ខេត្ត​ត្បូងឃ្មុំ ហេតុនេះហើយ​ទើប​លោក បែន រ័ត្ន មិន​ចាត់វិធានការ​បង្ក្រាប​ព្រោះ​ខ្លាច​បាត់បង់​ចំណូល​របស់ខ្លួន​។ ហេតុនេះហើយ​ទើប​មាន​សេចក្ដីអំពាវនាវ​ឲ្យ​ថ្នាក់ដឹកនាំ​ក្រសួងមហាផ្ទៃ និង​នាយ​ឧ​ត្ត​ម​សេនីយ៍ នេ​ត សាវឿន អគ្គស្នងការ​នគរបាល​ជាតិ ចាត់វិធានការ​បង្ក្រាប​ល្បែងស៊ីសង​ក្នុង​ខេត្ត​ត្បូងឃ្មុំ ឲ្យ​បាន​ទាន់ពេលវេលា​និង​ប្រកបដោយ​ប្រសិទ្ធភាព​។ ថ្មី​នេះ​ប្រភពពី​ប្រជាពលរដ្ឋ​រស់នៅ​ភូមិ​ទួល​ខ្សាច់ ឃុំ​ទន្លេ​បិទ ស្រុក​ត្បូងឃ្មុំ ខេត្ត​ត្បូងឃ្មុំ បាន​បន្ថែមដឹងថា ក្នុង​មូលដ្ឋាន​ពួកគាត់​មាន​បុគ្គល​ម្នាក់​ឈ្មោះ “ហាន” បើក​សង្វៀន​បញ្ជល់មាន់​និង​វង់​អាប៉ោង​យ៉ាង​សុខស្រួលដោយ​គ្មាន​ញញើត​អ្វី​ទាំងអស់​។ ប្រជាពលរដ្ឋ​បាន​បញ្ជាក់ទៀតថា […]

ព័ត៌មានវិទ្យា

ល្បែងស៊ីសង​កើតឡើង​យ៉ាង​ពេញបន្ទុកនៅ​ខេត្ត​ត្បូងឃ្មុំ ជាប្រភពចំណូររបស់ សមត្ថកិច្ច​និងមន្ដ្រីពាក់ព័ន្ធ

ត្បូងឃ្មុំ ៖ប្រភពថ្មីៗនេះពី​ប្រជាពលរដ្ឋ​នៅ​ស្រុក​ត្បូងឃ្មុំ ខេត្ត​ត្បូងឃ្មុំ បាន​លួចខ្សឹបប្រាប់ឲ្យដឹងថា កន្លងមក​ក្នុង​មូលដ្ឋាន​ពួកគាត់​មាន​ល្បែង​បញ្ជល់មាន់​និង​ល្បែងស៊ីសង​ខុសច្បាប់​ច្រើន​ប្រភេទ​ទៀត​កើតឡើង​យ៉ាង​ពេញបន្ទុកទៅហើយពី ព្រោះ​លោក ជាម ច័ន្ទ​សោភ័ណ អភិបាលខេត្ត​ត្បូងឃ្មុំ និង​លោក បែន រ័ត្ន ស្នងការ​នគរបាល​ខេត្ត​ត្បូងឃ្មុំ មិនសូវ​គិតចុះបង្ក្រាប​ល្បែងស៊ីសង​ដើម្បី​ពង្រឹង​សន្តិសុខ​សង្គម​ឲ្យ​បានល្អ​ប្រសើរ​នោះទេ​..?។ ជាក់ស្ដែង​មិនមែន​តែ​នៅក្នុង​ស្រុក​ត្បូងឃ្មុំ ប៉ុណ្ណោះ​ទេ​ដែល​ល្បែងស៊ីសង​កើតឡើង​យ៉ាង​អនាធិបតេយ្យ គឺ​នៅ​ស្រុក​មេមត់ និង​ស្រុក​ពញាក្រែក ក៏មាន​ល្បែងស៊ីសង​កើតឡើង​យ៉ាងគំហុក​ផងដែរ ធ្វើ​ឲ្យ​ប្រជាពលរដ្ឋ​ព្រួយបារម្ភ​យ៉ាងខ្លាំង​ពី​បញ្ហា​អសន្តិសុខ​សង្គម​។ បើតាម​សេចក្ដីរាយការណ៍​ពី​ប្រជាពលរដ្ឋ​បាន​បន្ថែមទៀតដឹងថា មេ​ល្បែងស៊ីសង​ភាគច្រើន​មាន​ទំនាក់ទំនង​ជិតស្និទ្ធ​ជាមួយ​ក្រុមមន្ត្រី​អាជ្ញាធរ​និង​សមត្ថកិច្ច​មូលដ្ឋាន​ទើប​ពួកគេ​បើក​ល្បែង​បញ្ជល់មាន់ ល្បែង​បៀ​អាប៉ោង កន្ទុយលេខ ឬ​ល្បែង​ផ្សេងៗ​ទៀត​តាម​អំពើ​ចិត្ត​។ កាលពី​រសៀល​ថ្ងៃទី​១៥ ខែតុលា ឆ្នាំ​២០១៩ សមត្ថកិច្ច​នគរបាល​ស្រុក​ត្បូងឃ្មុំ បាន​ចាត់វិធានការ​បង្ក្រាប​ស​ង្វៀន​បញ្ជល់មាន់​ដ៏​ធំ​មួយកន្លែង​នៅ​ចំណុច​ចំការ​ចំប៉ី ភូមិ​ទួល​ទ្រា ឃុំ​ជប់ ស្រុក​ត្បូងឃ្មុំ ដែល​ម្ចាស់​សង្វៀន​មានឈ្មោះ ទ្រី និង​ឈ្មោះ ធា ល្បីល្បាញ​ខាង​បើក​ល្បែងស៊ីសង​ខុសច្បាប់​ជា​យូរ​មកហើយ​។ ការបង្ក្រាប​នោះបាន​ធ្វើ​ឲ្យ​ប្រជាពលរដ្ឋ​ក្នុងភូមិ​ទ្រា អស់សំណើច​យ៉ាងខ្លាំង​ព្រោះ​សមត្ថកិច្ច​នគរបាល​ស្រុក​ត្បូងឃ្មុំ បង្ក្រាប​បានតែ​កៅអី​កញ្ចាស់​១​និង​រុះរើ​សង្វៀន​បញ្ជល់មាន់​ដុតចោល​ប៉ុណ្ណោះ​។ ចំណែក​ម្ចាស់​សង្វៀន​បញ្ជល់​មាន់ឈ្មោះ ទ្រី និង​ឈ្មោះ ធា នៅតែ​គេច​ផុតពី​សំណាញ់​ច្បាប់​ដដែល ហើយ​មិនយូរ​ទេ​បុគ្គល​ទាំង​២​នាក់​នេះ​បើក​ល្បែងស៊ីសង​នៅ​កន្លែង​ដដែល​ជាមិនខាន​។ ថ្មីៗនេះប្រជាពលរដ្ឋ​ក្នុងភូមិ​ទ្រា ឃុំ​ជប់ ស្រុក​ត្បូងឃ្មុំ បាន​ឲ្យ​ដឹងថា ពួកគាត់​គ្មាន​ជំនឿ​លើ​សមត្ថកិច្ច​នគរបាល​ស្រុក​ត្បូងឃ្មុំ ក្នុងការ​បង្ក្រាប​សង្វៀន​បញ្ជល់មាន់​របស់​ឈ្មោះ ទ្រី និង​ឈ្មោះ […]