ព័ត៌មានអន្តរជាតិ

ចិន​ថា​៖​វៀតណាម​គ្មាន​ប្រវត្តិ​មាន​កោះ​នៅក្នុង​សមុទ្រ​ចិន​ខាងត្បូង​ទេ​ចេញ​ឱ្យ​ឆ្ងាយ​

អន្តរជាតិ​៖​ទីភ្នាក់ងារសារព័ត៌មាន​VNExpress​របស់​វៀតណាម​នាពេល​ថ្មីៗ​នេះ​បាន​ស្រង់​សម្តី​លោកស្រី LeThiThuHang​អ្នកនាំពាក្យ​ក្រសួងការបរទេស​វៀត​ណា​ម​ដែល​បាន​ថ្លែង​នៅក្នុង​សន្និសីទ​សារព័ត៌មាន​មួយ​សំដៅ​បញ្ជាក់ប្រាប់​ទៅ​ទីក្រុង​ប៉េកាំង​ថា​៖​

ព័ត៌មានអន្តរជាតិ

នាវា​ដឹក​យន្តហោះ​ចម្បាំង​អាមេរិក​២​គ្រឿង​ចាប់​ផ្ដើមធ្វើ​សមយុទ្ធ​នៅ​សមុទ្រ​ចិន​ខាងត្បូង​ឡើងវិញ

​អាមេរិក ៖ កងទ័ពជើងទឹក​សហ​រដ្ឋ​អាមេរិក​បាន​កាល​ពីថ្ងៃ​សុក្រ​ថា នាវា​ដឹក​យន្តហោះ​ចម្បាំង​របស់​កងទ័ពជើងទឹក​អាមេរិក​២​គ្រឿង​បានចាប់ផ្តើម​ធ្វើ​សមយុទ្ធ​នាវា​ពីរ​គ្រឿង​ដ៏​កម្រ​ឡើងវិញ​ក្នុង​សមុទ្រ​ចិន​ខាងត្បូង​ដែល​នេះ​ជា​លើក​ទី​២​ហើយ​ក្នុង​ខែ​នេះ​ដែល​នាវាចម្បាំង​ដ៏​ធំ​បាន​ចូលមកក្នុង​ដែនទឹក​ដែលមាន​ជម្លោះ ខណៈដែល​ចិន​និង​សហរដ្ឋអាមេរិក​ចោទប្រកាន់​គ្នា​ទៅវិញទៅមក​ថា ​បាន​បង្ក​ភាព​តានតឹង​នៅក្នុង​តំបន់​។​ នេះ​បើ​យោងតាម​ប្រភពពី CNA​។​ ​កងទ័ពជើងទឹក​អាមេរិក​និយាយថា​ នាវា​ដឹក​យន្តហោះ​ចម្បាំង USS Ronald និង USS Nimitz របស់ខ្លួន​បាន​ដឹក​បុគ្គលិក​យោធា​អាមេរិក​សរុប​ចូលគ្នា​ជាង​១២,០០០​នាក់​និង​យន្តហោះ​១២០​គ្រឿង​នៅពេល​វា​កំពុង​ប្រតិបត្តិការ​ក្នុង​សមុទ្រ​ចិន​ខាងត្បូង​កាលពី​ថ្ងៃ​សុក្រ​។ នៅក្នុង​សេចក្តីថ្លែងការណ៍​ដដែល​បាន​និយាយថា​នាវា​ផ្ទុក​យន្តហោះ​ទាំងពីរ​គ្រឿង​កំពុង​ធ្វើ​សមយុទ្ធ​ការពារ​ដែនអាកាស​ជា​យុទ្ធសាស្ត្រ​ដើម្បី​រក្សា​ការត្រៀមខ្លួន​ប្រយុទ្ធ​និង​សមត្ថភាព​ប្រយុទ្ធ​។​ ​វត្តមាន​របស់​នាវាច​ម្បាំ​ង Nimitz និង Reagan ក្នុង​សមុទ្រ​ចិន​ខាងត្បូង​កាលពី​ដើមខែ​នេះ​គឺជា​លើកដំបូង​ដែល​នាវា​ដឹក​យន្តហោះ​អាមេរិក​ចំនួន​២​គ្រឿង​បានធ្វើ​ប្រតិបត្តិការ​ជាមួយគ្នា​នៅ​ទីនោះ​ចាប់តាំងពី​ឆ្នាំ​២០១៤​មកហើយ​នេះ​ទើបតែ​ជា​លើក​ទី​២​ប៉ុណ្ណោះ​ចាប់តាំងពី​ឆ្នាំ​២០០១​មក​។​ ​សូមជម្រាបថា សមយុទ្ធ​នេះ​បានចាប់ផ្តើម​នៅ​ថ្ងៃទី​៤​ខែកក្កដា​ហើយ​មេបញ្ជាការរង​កងទ័ព​ជើង​ទឹក​លោក Sean Brophy នៅលើ​នាវា Reagan បាន​និយាយ​កាលពី​ថ្ងៃទី​៨​ខែកក្កដា ថា “​ក្រុម​វាយប្រហារ​នីមួយៗ​បាន​បន្ត​បំពេញភារកិច្ច​ប្រតិបត្តិកា​រ​របស់​ពួកគេ​រៀងៗ​ខ្លួន​”៕

ព័ត៌មានអន្តរជាតិ

ថៃ​បើក​​ច្រកទ្វារ​អន្តរជាតិ​ភ្នំ​ដី​ឡើងវិញ​ដើម្បី​ដឹកទំនិញ​​រវាង​ខេត្ត​ទាំង​២​កម្ពុជា​-​ថៃ

បាត់ដំបង​៖​ច្រកទ្វារ​អន្តរជាតិ​ភ្នំ​ដី​ស្ថិតក្នុង​ឃុំ​សន្តិភាព​នៃ​ស្រុក​សំពៅ​លូន​ខេត្តបាត់ដំបង​ត្រូវ​ភាគី​ថៃ​បើក​ឱ្យ​ដំណើរការ​ឡើងវិញ​ចាប់ពី​ថ្ងៃទី​១៥​ខែកក្កដា​ឆ្នាំ​២០២០​នេះ​តទៅ​។​ដើម្បីឱ្យ​ភាគី​ទាំងសងខាង​ដឹកជញ្ជូន​ទំនិញ​ចេញចូល​រវាង​ខេត្ត​ទាំង​២​គឺ​ខេត្ត​ស្រះកែវ​ថៃ​ខេត្តបាត់ដំបង​កម្ពុជា​។​ ​លោក​ហឿង​សុគន្ធ​អតីត​អភិបាលរង​ខេត្តបាត់ដំបង​បាន​ប្រាប់​អ្នកយកព័ត៌មាន​ឱ្យដឹងថា​ខាង​ភាគី​ថៃ​បាន​បើក​ឱ្យ​ដំណើរការ​ឡើងវិញ​ក្នុងការ​ដឹកទំនិញ​ចេញ​-​ចូល​តាម​ច្រកទ្វារ​អន្តរជាតិ​ភ្នំ​ដី​ចាប់ពី​ថ្ងៃទី​១៥​ខែកក្កដា​ឆ្នាំ​២០២០​នេះ​តទៅ​ចាប់ពី​ម៉ោង​៦​ព្រឹក រ​ដល់​ម៉ោង​៦​ល្ងាច​ទើប​បិទ​វិញ​។​ ​សូមបញ្ជាក់ថា​ច្រកទ្វារ​អន្តរជាតិ​ភ្នំ​ដី​គីឡូ​១៣​រ​វា​ខេត្តបាត់ដំបង​និង​ខេត្ត​ស្រះកែវ​ច្រកទ្វារ​អន្តរជាតិ​នេះ​បាន​បិទ​មិនឱ្យ​ដំណើរ​ការចេញ​-​ចូលចាប់​តាំងពី​អំឡុង​ពាក់កណ្តាល​ខែ​មិនា​ឆ្នាំ​២០២០​មកម្ល៉េះ​។​នៅ​ចន្លោះ​ពាក់កណ្តាល​ខែមេសា​ក៏​ខាង​ភាគី​ថៃ​អនុវត្ត​របៀបនេះ​ម្តង​រួចមកហើយ ៕    

ព័ត៌មានអន្តរជាតិ

កូរ៉េខាងជើង ៖ ខ្លួនគ្មានអារម្មណ៍ចង់អង្គុយប្រជុំកំពូលលើកទី៣ជាមួយអាមេរិកឡើយ

សេអ៊ូល ៖ អ្នកការទូតជាន់ខ្ពស់កូរ៉េខាងជើងម្នាក់បាននិយាយនៅថ្ងៃអង្គារទី ៧ ខែកក្កដានេះថា ប្រទេសកូរ៉េខាងជើងមិនមានចេតនាចង់អង្គុយចរាចលើកទី៣ជាមួយសហរដ្ឋអាមេរិកទេ ហើយជំរុញឱ្យកូរ៉េខាងត្បូងបញ្ឈប់ការជ្រៀតជ្រែកនេះ ខណៈដែលប្រេសិតអាមេរិកគ្រោងនឹងធ្វើទស្សនកិច្ចនៅទីក្រុងសេអ៊ូលក្នុងកិច្ចប្រឹងប្រែងមួយដើម្បីបន្តនុយក្លេអ៊ែរដែលជាប់គាំង។ នេះបើតាមការចេញផ្សាយដោយ CNA នាព្រឹកថ្ងៃអង្គារ ទី០៧ ខែកក្កដា ឆ្នាំ២០២០។ លោក Kwon Jong Gun អគ្គនាយកទទួលបន្ទុកកិច្ចការអាមេរិកនៅក្រសួងការបរទេសក្រុងព្យុងយ៉ាងបានចោទប្រកាន់កូរ៉េខាងត្បូងថា បានបកស្រាយខុសនូវសេចក្តីថ្លែងការណ៍មុនរបស់លោក Choe Son Hui អនុរដ្ឋមន្រ្តីក្រសួងការបរទេសដែលបានច្រានចោលនូវពាក្យចចាមអារាមដែលមិនសមហេតុផលអំពីជំនួបកំពូលមួយទៀតរវាងមេដឹកនាំកូរ៉េខាងជើង លោក គីម ជុងអ៊ុន និងប្រធានាធិបតីអាមេរិក លោក ដូណាល់ ត្រាំ។ ជុំវិញការបកស្រាយខុសខាងលើនេះ លោក Kwon បានឆ្លើយតបវិញថា កូរ៉េខាងជើងគ្មានអារម្មណ៍ត្រូវការ កិច្ចប្រជុំកំពូលថ្មីណាមួយនោះទេ។ ការលើកឡើងពីសំណាក់មន្ត្រីជាន់ខ្ពស់កូរ៉េខាងជើងនេះ ក៏ជាការឆ្លើយតបទៅនឹងការស្នើសុំ ពីសំណាក់ប្រធានាធិបតីកូរ៉េខាងត្បូង លោក មូន ចេអ៊ីន ផងដែរឲ្យលោក គីម ជុងអ៊ុន និងលោក ដូណាល់ ត្រាំ ជួបពិភាក្សាជាថ្មីឡើងវិញ ឲ្យបានមុខការបោះឆ្នោតប្រធានាធិបតីអាមេរិក នៅខែវិច្ឆិកា ឆ្នាំ២០២០ ខាងមុខនេះ។ លោក Kwon […]

ព័ត៌មានអន្តរជាតិ

​អាមេរិក​បញ្ជូន​នាវា​ផ្ទុក​យន្តហោះ​កើន​ទ្វេដង​មកកាន់​សមុទ្រ​ចិន​ខាងត្បូង​«​អាចធ្វើ​ចិត្ត​របស់គេ​» តែ​ចិន​បានជ្រើសរើស​ទុក​កាំជ្រួច​ពិឃាត​នាវា​ផ្ទុក​យន្តហោះ​ធុន​DF-21D និង DF-26

អន្តរជាតិ​៖​ប្រព័ន្ធ​ផ្សព្វផ្សាយ​រដ្ឋ​ចិន​The Global Times កាលពី​ថ្ងៃ​សៅរ៍​ទី​៤​កក្កដា​ថា​ការដែល​អាមេរិក​បញ្ជូន​នាវា​ផ្ទុក​យន្តហោះ​កើន​ទ្វេដង​មកកាន់​សមុទ្រ​ចិន​ខាងត្បូង​«​អាចធ្វើ​ចិត្ត​របស់គេ​» តែ​ចិន​បានជ្រើសរើស​ទុក​កាំជ្រួច​ពិឃាត​នាវា​ផ្ទុក​យន្តហោះ​ធុន​DF-21D និង DF-26​រួចរាល់​អស់ហើយ​។​

ព័ត៌មានអន្តរជាតិ

​រដ្ឋាភិបាល​ឥណ្ឌា​បញ្ជូន​អាវ​ក្រោះ​និង​មួក​ការពារ​ទៅ​ព្រំដែន​ជាបន្ទាន់​

អន្តរជាតិ​៖​ប្រភពពី​រដ្ឋាភិបាល​ឥណ្ឌា​បាន​និយាយថា យោធា​ប្រទេស​នេះ​បាន​បញ្ជូន​អាវ​ក្រោះ​ស៊ក​ទៅដោយ​បន្ទះ​សារធាតុ​ប៉ូ​លី​កាបូន​ដើម្បី​ប្រឆាំងនឹង​វត្ថុ​មុត​ស្រួច​និង​ដុំថ្ម

ព័ត៌មានអន្តរជាតិ

ប្រធានាធិបតីហុងឌូរ៉ាស លោក Juan Orlando Hernandez ឆ្លងជំងឺ COVID-19

ហុងឌូរ៉ាស ៖ ទីភ្នាក់ងារព័ត៌មានចិនស៊ីនហួរបានរាយការណ៍នៅរសៀលថ្ងៃសុក្រ ទី១៧ ខែមិថុនា ឆ្នាំ២០២០នេះថា ប្រធានាធិបតីហុងឌូរ៉ាសលោក ហ្ស័ន អូឡេនដូ ហឺណាន់ដែស ( Juan Orlando Hernandez) បានឆ្លងជំងឺ COVID-19។ នៅក្នុងសេចក្តីថ្លែងការណ៍តាមកញ្ចក់ទូរទស្សន៍រដ្ឋ លោកបានប្រកាសដោយផ្ទាល់នៅល្ងាចថ្ងៃអង្គារសប្តាហ៍នេះទៅកាន់ប្រជាជាតិថា លោកបានឆ្លងជំងឺ COVID-19ហើយ។ ទន្ទឹមនោះ លោកក៏បានបញ្ជាក់អំពីអការៈនៃជំងឺ COVID-19 របស់លោកផងដែរថា លោកមានរោគសញ្ញាស្រាកប៉ុណ្ណោះ និងកំពុងទទួលការព្យាបាលតាមក្បួនខ្នាតវេជ្ជសាស្ត្រ។ ជាធម្មតាអ្នកធ្លាប់ស្និទ្ធស្នាលជាមួយ ប្រធានាធិបតីវ័យ ៥១ឆ្នាំនេះទាំងអស់ ក្នុងរយៈពេល១៤ថ្ងៃចុងក្រោយ នឹងតម្រូវឲ្យទៅធ្វើតេស្តរក COVID-19 រួចស្នាក់នៅដាច់ដោយឡែករយៈពេល ១៤ថ្ងៃ ដើម្បីតាមដានអការៈ។ គួរបញ្ជាក់ថា គិតត្រឹមថ្ងៃអង្គារសប្តាហ៍នេះ ហុងឌូរ៉ាសមានករណីឆ្លង COVID-19 សរុប ៩,៦៥៦ករណី ក្នុងនោះស្លាប់ ៣៣០នាក់ និងជាសះស្បើយវិញ ១,០៧៥នាក់៕

ព័ត៌មានអន្តរជាតិ

Trump ធ្វើតេស្តរ​កកូ​វិដ​១៩​ជាថ្មី ខណៈ​សមាជិក​ម្នាក់​នៅ​សេត​វិមាន​ឆ្លង​វីរុស​នេះ

អាមេរិក ៖ ប្រធានាធិបតី​អាមេរិក​លោក Donald Trump និង​អនុ​ប្រធានាធិបតី​លោក Mike Pence បានធ្វើ​តេ​ស្តរក​វិ​រុស​កូ​វិដ​១៩​ជាថ្មី បន្ទាប់ពី​សមាជិក​យោធា​អាមេរិក​ម្នាក់​ដែល​ធ្វើការ​នៅ​សេត​វិមាន បាន​បាន​ឆ្លង​វីរុស​នេះ​។​ នេះ​បើ​យោងតាម​ប្រភពពី CNA។​ ​ក្នុងអំឡុងពេល​ប្រជុំ​ជាមួយ​អភិបាលរដ្ឋ​តិច​សាស់​នៅ​ការិយាល័យ​អូ​ល​ល​កាលពី​ថ្ងៃ​ព្រហស្បតិ៍​(៧ ឧសភា​) លោក Trump បាន​ប្រាប់​អ្នកយកព័ត៌មាន​ថា លោក​មាន​ទំនាក់ទំនង​តិចតួច​ជាមួយនឹង​សមាជិក​យោធា​ដែល​ផ្ទុក​វីរុស​នោះ ហើយ​លោក និង​លោក Pence មិនបាន​ពាក់​ម៉ាស់​ពេល​ប្រជុំ​ឡើយ​។​ ​យោងតាម​អ្នកនាំពាក្យ​នៃ​សេត​វិមាន​លោក Gidley បាន​រាយការណ៍​នៅថ្ងៃនេះ​ថា លោក Trump និង​លោក Pence បានធ្វើ​តេស្ដ​រួចរាល់​ហើយ រីឯ​លទ្ធផល​វិញ គឺ​ចេញមក​អវិជ្ជមាន​ទាំងពីរ​។​ ​គួរ​ឲ្យ​ដឹង​ដែរ​ថា ចាប់តាំងពី​មាន​សមាជិក​យោធា ដែល​បម្រើការ​នៅក្នុង​សេត​វិមាន​បាន​ឆ្លង​វីរុស​កូ​រ៉ូ​ណា​មក លោក Trump បាន​បង្គាប់​ឲ្យ​បុគ្គលិក​ដែល​បម្រើការ​នៅ​ទីនោះ​ទាំងអស់ ត្រូវធ្វើ​តេស្ដ​ជា​រៀងរាល់ថ្ងៃ ដែល​កាលពីមុន​ពួកគេ​ធ្វើតេស្ដ​តែម្ដង​ប៉ុណ្ណោះ ក្នុង​មួយ​សប្ដាហ៍​៕

ព័ត៌មានជាតិ ព័ត៌មានអន្តរជាតិ

ចក្រភព​អង់គ្លេស ៖ ​ក្នុង​មួយថ្ងៃមានអ្នកស្លាប់ដោយសារ COVID-19 ចំនួន​៨៤៧​នាក់

ឡុង​ដ៍ ៖ ចំនួន​អ្នកស្លាប់​ដោយសារ COVID-19 នៅ​ទូទាំង​ចក្រភព​អង់គ្លេស​បាន​កើន​ដល់​១៤,៥៧៦​នាក់​ហើយ បន្ទាប់ពី​ក្រសួងសុខាភិបាល បានប្រកាស​រកឃើញ​អ្នកជំងឺ​ចំនួន​៨៤៧​នាក់​បន្ថែមទៀត​ទើបតែ​បាន​ស្លាប់​នៅតាម​មន្ទីរពេទ្យ ក្នុង​រយៈពេល​២៤​ម៉ោង​ចុងក្រោយ​។ នេះ​បើតាម​ការចេញផ្សាយ​ដោយ​ទីភ្នាក់ងារ​ព័ត៌មាន ស៊ីន​ហួរ ។​ ​យោងតាម​សេចក្តីប្រកាស​របស់​ក្រសួងសុខាភិបាលបាន​ឲ្យ​ដឹងថា ​ចំណែក តួលេខ​អ្នក​ឆ្លង​វិញ​បាន​បន្ត​កើន​ដល់​១០៨,៦៩២​នាក់ ក្រោយ​មនុស្ស​៥,៥៩៩​នាក់​ថ្មី ត្រូវបាន​ធ្វើតេស្ត​ឃើញ​វិជ្ជមាន​នៃ COVID-19​។​ ​គិត​មកដល់ពេលនេះ ចក្រភព​អង់គ្លេស ស្ថិតនៅ​ក្នុងចំណោម ប្រទេស​ដែលមាន​ករណី​ឆ្លង​ដល់​ខ្ទង់សែន​នាក់ បន្ទាប់ពី​សហរដ្ឋអាមេរិក អេ​ស្ប៉ា​ញ អ៊ីតាលី បារាំង និង​អាល្លឺម៉ង់​៕

ព័ត៌មានអន្តរជាតិ

លទ្ធផលបោះឆ្នោតបឋម​នៅក្នុងប្រទេសឥណ្ឌូនេស៊ី​បានបង្ហាញថាលោក​ប្រធានាធិបតី Joko Widodo ​នឹងអាចឈ្នះ​​នៅអាណត្តិទី២ជាបន្តទៀត

ប្រទេសឥណ្ឌូនេស៊ី​៖ នៅ​ថ្ងៃ​ពុធ​នេះលទ្ធផល​បោះ​ឆ្នោត​បឋម​មិន​ផ្លូវការ​នៅ​ក្នុង​ប្រទេស​ឥណ្ឌូនេស៊ី​បាន​បង្ហាញ​​ថាលោក​ប្រធានាធិបតី Joko Widodo នឹង​អាច​ឈ្នះ​នៅ​អាណត្តិ​ទី២ជា​បន្ត​ទៀត។ការ​រាប់​សន្លឹក​ឆ្នោត​ដែល​ធ្វើ​ឡើង​ដោយ​ក្រុម​អង្គការ​ស្ទង់​មតិ​ឯករាជ្យ​ចំនួន៥បាន​បង្ហាញ​ថា លោក Widodo បាន​នាំ​មុខ​គូ​ប្រជែង​របស់​លោក​គឺ​លោក​អតីត​ឧត្ដមសេនីយ៍ Prabowo Subianto ចំនួន​ប្រហែល ១០ ភាគរយ។គណៈកម្មការ​រៀបចំ​ការ​បោះ​ឆ្នោត​នៅ​ប្រទេស​ឥណ្ឌូនេស៊ី​គ្រោង​នឹង​ប្រកាស​អំពី​លទ្ធផល​ផ្លូវការ​នៅ​ខែ​ក្រោយ។ពលរដ្ឋ​ឥណ្ឌូនេស៊ី​ប្រហែល ១៩៣ លាន​នាក់​មាន​សិទ្ធិ​បោះ​ឆ្នោត​នៅ​ក្នុង​ការ​បោះ​ឆ្នោត​នៅ​ថ្ងៃ​ពុធ​នេះ ដែល​ការ​បោះ​ឆ្នោត​នេះ​មាន​ទាំង​ការ​បោះ​ឆ្នោត​ជ្រើសរើស​រដ្ឋសភា​ឥណ្ឌូនេស៊ី​ផង​ដែរ។ការ​ស្ទង់​មតិ​មុន​ការ​បោះ​ឆ្នោត​បាន​បង្ហាញ​ថា លោក Widodo នាំ​មុខ​រហូត​ដល់​ទៅ ២០ ភាគរយ។ យុទ្ធនាការ​ឃោសនា​បោះ​ឆ្នោត​របស់​លោក Widodo បាន​លើក​ឡើង​ពី​ដំណើរ​វិវត្ត​នៃ​ការ​កាត់​បន្ថយ​ភាព​ក្រីក្រ និង​ការ​ធ្វើ​ឲ្យ​ប្រសើរ​ឡើង​នូវ​ហេដ្ឋារចនាសម្ព័ន្ធ​មិន​គ្រប់គ្រាន់​របស់​ប្រទេស​ឥណ្ឌូនេស៊ី​ដូចជា ​កំពង់ផែ​ថ្មី ផ្លូវ​បង់​លុយ​ថ្មី ប្រលាន​យន្តហោះ និង​ប្រព័ន្ធ​ធ្វើ​ដំណើរ​ផ្សេងៗ​ទៀត។ កាល​ពី​ខែ​មុន រថភ្លើង​ក្រោម​ដី​ថ្មី​របស់​ប្រទេស​ឥណ្ឌូនេស៊ី​បាន​បើក​សម្ពោធ​ឲ្យ​ប្រើប្រាស់ ដើម្បី​បញ្ចៀស​ចរាចរណ៍​កក​ស្ទះ។ចំណែក​ឯ​យុទ្ធនាការ​ឃោសនា​បោះ​ឆ្នោត​របស់​លោក Subianto ដែល​ជា​អ្នក​ជាតិ​និយម​វិញ គឺ​ផ្ដោត​លើ​អ្វី​ដែល​លោក​យល់​ថា​ជា​ចំណុច​ខ្សោយ​របស់​ប្រទេស​ឥណ្ឌូនេស៊ី និង​ផ្ដោត​លើ​ហានិភ័យ​នៃ​ការ​កេង​ប្រវ័ញ្ច​ដោយ​មហា​អំណាច​បរទេស ឬ​ក៏​ការ​បែកបាក់​នៅ​ក្នុង​ប្រទេស៕